Sara Teasdale 110 - വാക്കുകളുടെ വല Poem by Unnikrishnan Sivasankara Menon

നിനക്കായി ഞാൻ ഒരുപാട് പാട്ടുകൾ ഒരുക്കി
പക്ഷേ, ഒന്നുപോലും നിന്നെ മുഴുവനായി വിവരിച്ചില്ല-
എന്റെ പരിശ്രമം, ഒരു നക്ഷത്രത്തെ പിടിക്കാൻ
വാക്കുകളുടെ വല വീശിയതു പോലെയായി;
അല്ലെങ്കിൽ കൈ കുമ്പിളാക്കി മടക്കി കടലിൽ നിന്ന്
ഞാനിത്തിരി വെള്ളം കോരിയെടുത്തു നോക്കുമ്പോൾ
സാഗരത്തിൻ ഇരുണ്ട നീലോജ്ജ്വലദ്യുതി
കൈക്കുമ്പിൾജലത്തിന് നഷ്ടമായിക്കണ്ടതുപോലെ.

This poem is Malayalam translation of the poem "The Net" by Sara Teasdale