Sara Teasdale 113 - എന്റെ ചിന്തകൾ Poem by Unnikrishnan Sivasankara Menon

സ്വയം മുന്നോട്ടുവന്ന്
വലിയ വീടുകളിലെ മാന്യസ്ത്രീകളെപ്പോലെ
അങ്ങോട്ടുമിങ്ങോട്ടും നടക്കാൻ
എന്റെ ചിന്തകളെ ഞാൻ പ്രാപ്തരാക്കുമ്പോൾ
അവർ കണ്ണാടിക്കുമുമ്പിൽ നിന്ന് ഒരുങ്ങുകയും
ഏറ്റവും ചേർന്ന വസ്ത്രങ്ങളിൽ ചമയുകയും ചെയ്യും.

പക്ഷേ, നാണംകുണുങ്ങികളും എന്നാൽ
ആകാംക്ഷയുള്ളവരും ആയ ചിന്തകൾ ഒളിച്ചിരിക്കയാണ്,
അവർ വസ്ത്രം ധരിച്ചൊരുങ്ങാൻ തയ്യാറാകുന്നില്ല.
ഓ! എന്തുകൊണ്ടാണ് അവർ എല്ലായ്പോഴും മറ്റുള്ളവരെ-
ക്കാൾ ഇത്രയേറെ അഴകുള്ളവരായിത്തോന്നുന്നത്?

This poem is Malayalam Translation of the poem "Thoughts" by Sara Teasdale