Sara Teasdale 128 - പെസ്റ്റമിലെ നഗരാവശിഷ്ടങ്ങൾ Poem by Unnikrishnan Sivasankara Menon

ക്ഷേത്രങ്ങൾ സ്ഥിതി ചെയ്യുന്ന താഴ്ന്ന നിലങ്ങളിൽ
ചതുപ്പുപുല്ല് പൂക്കളോടിട കലർന്നിരിക്കുന്നു,
കിളികളുടെ ചെറുകൂജനം മാത്രമാണ്
തടവില്ലാതൊഴുകും സമയനദിയെ ബന്ധിപ്പിക്കുന്നത്.
അതുപോലെ, അവസാനം എന്റെ ഹൃദയത്തിനു മുകളിലൂടെ
ഒരിക്കൽ വന്യവും ആനന്ദമയവുമായിരുന്ന ആ നഗരമെന്ന പോൽ
രാവിൽ ശ്വേതതാരങ്ങൾ പതുക്കെ കടന്നുപോകും
പകൽസമയത്താകട്ടെ,
അതിവേഗമാർന്ന തവിട്ടുനിറമുള്ള പക്ഷികളും.

This poem is Malayalam Translation of the poem "Paestum" by Sara Teasdale