Saraaban (Kosli Poem 112) Poem by Binapani Mahaling

Jhipir jhipir barshuchhe paain
Ghadi ke gdadi kete
San saan dhukaa gardi aauchhe
Bijli maruchhe jete tete.
Kalaa baadal dekhi naachuchhe majur
Chadak maaruchhe jhal mal
Beng dauchhe hul huli
Kenchuaan hauchhan sal bal.
Duli bhitren ghuli raja
Laa sadhab aanten raani
Dhuda naliaa jhuri khalbal
Barshaa dekhi khuddiaa karuchhe thaani.
Pathar kane kankraa kat kat
Taalar aabaaj suni kharaa dam
Bag kuaar phus puni
Paani bhiji chare hauchan tam tam.
Phad phad hei batar kiri
Aakaashen jaai uduchhe
Baanaa phir Phiri man phar phar
Tengtaa rang badluchhe
Belbudi galen juljuliaa pok
Dharti ke sajei nauchhe
Raait aailen saapar maja
Gudgudi gudgudi jhuri khaauchhe.
Maatiaa paani bharichhe duli
Dhob phar phar dishuchhe dharti
Dulir aaer bhaangi paain galuchhe
Chaasi baahaaruchhe antaa kashi.
Gharar chulin paain ubjuchhe
Maaijhi hauchhe ghaanti saanti
Murhi saange pakdir kahanr
Jaauchhe gaan khul chahati.
Rang birangar chhataa thin
Gaan khuil sundar dishuchhe
Sabuaaden saaguaa sundar
Dharti khil kahil hasuchhe.
Jham jham barshaa dekhi
Permir man nachuchhe
Gute chhataa talen muh lukhaa luki
Haanth dhari baat chaaluchhe.
Bolbam bolbam
gaan nu sahar tak raastaa garji jaauchhe
shiba usaten nachuchhan
samku man jaani bar miluchhe.