Talepano Ng Pagmamahal Poem by Pacific Hernandez

Mahal, sa bertdey mo'y 'etong regalo ko
Ang latest model sa maga talepano
Exclusive na gamit lang nating dalawa
Gamit mo lang sa 'kin at hindi sa iba

Anumang oras na ika'y naninimdim
Ang number 1 lamang ang iyong pindutin
Siguradp, surely, ako ay dadating

Pag meron kang sa akin ay ipabibili
Ang pipindutin mo lamang ay number 3
Ako ay darating madali't mabilis
Lalo na't may sukli akong makukupit

Pag maraming damit ako na lalabhan
Ang pipindutin mo ay number 4 naman
Para makatipid, wala nang sabunan
Ang pamamalantsa ko na'y idadamay

Bakurang masukal aking wawalisin
Ang mga halaman aking didiligin
Ang damo sa paso aking bubunutin
Ang number 5 lamang ang iyong pisilin


Bahay pag marumi't kelangan ng linis

The number you will press is no other than 6
Aking po-floorwakan ang lahat ng saig
Pati mga hagiw kasama sa walis

Pag mamamalengke, just press number 7
Sagot mo ang lahat, pamasahe'y sa 'kin
Dito ay no probllem, I will have no complaint
The bigger the budget, the bigger the kupit

Kung kelangang ikaw ay ipagmaneho
Pressing number 8 is the only thing to do
Sa trabahong ito ako ay masaya
Because one thing for sure, may libreng merienda

Kapag ang panahon ay maalinsangan
All you will have to do is just press number 9
Ako ay dadating, ika'y papaypayan
May kasamang haplos pa ng pagmamahal

Aba siyanga pala, I forgot number 2
Ito'y pag gusto mong pakasal na tayo
Saan mang simbahan I will say "Yes I do"
Huwag lang sa Quiapo, may record do'n ako