Telugu Poem నువ్వొస్తే Poem by Srininivas Reddy Paaruvella

Telugu Poem నువ్వొస్తే

Rating: 4.0

నువ్వొస్తే.....

మనసు విప్పి ఆరేసుకున్నాక
నువ్వు కురిసి వెళ్ళిపోతావు

ఎప్పటిలా తడిసిపోతుంటాను
చిరునవ్వుకు ఒలికి పోతుంటాను

చెలీ...
వేటాడుతున్నావో
వెంటాడుతున్నావో
ఏదీ.....అర్థం కాదు,
నా నీడ మాత్రం అచ్చం నీలాగే వుంది

వెన్నెల వాకిట్లకు నన్నెందుకు తరిమావో
పైరగాలి ఎందుకు వీచిందో
పవిట కొంగు ఎందుకు ఊగిందో
సిగ్గంతా వొలకబోసుకున్న సింగారం
కౌగిట్లో ఎలా కరిగి పోయిందో...

ఏమని చెప్పేది ఆమనిలా నువ్వొస్తే

చీకటంతా గొంగళి పురుగులా కనులలోకి పారింది
కలలన్నీ సీతాకోక చిలుకలై ఎగురుతున్నాయి
తేనె తాగిన చిట్టి చీమలు
తీయగా కుట్టి వెళ్లినట్టు తెలియనే లేదు

*పారువెల్ల*
8th September 2016

Thursday, November 10, 2016
Topic(s) of this poem: telugu poem
COMMENTS OF THE POEM
READ THIS POEM IN OTHER LANGUAGES
Close
Error Success