నువ్వొస్తే.....
మనసు విప్పి ఆరేసుకున్నాక
నువ్వు కురిసి వెళ్ళిపోతావు
...
* గాలి మువ్వల చప్పుడై *
వెనకేసుకున్నదేమిటోనని
వెనక్కి తిరిగి చూసుకున్నప్పుడల్లా
...
*ఉప్పు నీళ్ళ సాక్షిగా*
ఈవలి ఒడ్డున నేను
ఆవలి ఒడ్డున నువ్వు
...
* దూరాలు *
నోట్లోనే ముడుచుకొని పడుకున్న నాలుక
మాట్లాడేందుకు మిగిలిందేదీ లేనంత నిశ్శబ్దం
...
* మనం మాత్రమే*
చెలిమె లో జ్ఞాపకాల ఊట
ఇంకుడుగుంతలో ఒక్కో కన్నీట్టిబొట్టు
...
*తనివితీరని పయనంలో*
గురుతులన్నీ మరకలనుకొని
నువ్వు గుండెను కడిగేసుకున్నాక
...
*ఎప్పటిలాగే*
కళ్ళు తెరవగానే
ఊపిరి తిత్తుల నిండా స్వచ్ఛమైన గాలిని నింపుకుంటావు
...
* సంద్రం *
తడి ఆరిన గొంతును కదిలించాను
నువ్వేమిటో తెలియక నిందించాను
...
*అజ్నబీ*
కిరీటాలు పడిపోతాయని
పలకరించక తిరిగే దాపరికాలు ఎదురవుతుంటాయి
...
Peechu Srinivas Reddy Pen Name PAARUVELLA. Birthday 17 th March. Lives in Hyderabad. native place PAARUVELLA. KARIMNAGAR DISTRICT TELANGANA. INDIA. Graduated in Commerce from BHADRUKA COLLEGE OF COMMERCE AND ARTS, KACHIGUDA, HYDERABAD. expecting Few lines from my poems will definitely touch your heart. Poets email ID: psr.narsimha@gmail.com 9000135758)
Telugu Poem వాన
వాన
రాలే చల్లని చినుకుల్లో తడిసిపోతూ
వెచ్చని మాటల్లో తడారబెట్టుకుంటూ
ఎంత దూరం నడిచామో గుర్తుకే లేదు
ఎలా మరిచిపోయామో తెలియనే లేదు
వేసిన అడుగుల్లో పూసిన పువ్వులని
చూపుల చివరి అంచుల్లో
ఇద్దరం ఒకే చోట చిక్కుకుంటాం
మాటకు మాటకు మధ్య దూరాన్ని
మౌనమని పేరెన్నడూ పెట్టుకోనందుకో
కొసరి కొసరి మాట్లాడి
ప్రేమను దాచుకున్నందుకో
ఒకరి కనులలో ఒకరం ఒదిగిపోతాం
ఒకరి కలలో ఇంకొకరం మిగిలిపోతాం
జారిపోతున్న ప్రతీ క్షణం
స్పర్శను మరిచిపోవద్దని
పదే పదే వేడుకున్నందుకైనా
రెండు గుండెల నడుమ చోటు దొరకక
ఖాళీతనం కాసేపైనా దిగులుపడనీ
సఖీ!
వానెందుకు వచ్చిందో ఆరా తీయొద్దు
మనమెందుకు తడిసిందీ ఎవ్వరికీ చెప్పొద్దు
~ పారువెల్ల ~
30-06-2016