Telugu Poem వెన్నెల ఉదయించనీ... Poem by Srininivas Reddy Paaruvella

వెన్నెల ఉదయించనీ...

చిక్కటి చీకటి వానకు తడిసిపోయావా
కనిపించక ఎక్కడికో వెళ్ళిపోయావు

అంతా మరిచిపోయావు
అన్నీ విడిచిపెట్టావు
నీకోసం ఎవరో మరణించినట్టు
నీవందుకే చిగురించినట్టు
ఏదీ గుర్తులేదు నీకు

కలలో పూసిన స్వర్గాన్ని
తెల్లారగానే తగలబెడుతున్నావు

మట్టిబెడ్డల మాటున
ఓ విత్తనం దాహం అంటున్నది
కనీసం రెండు కన్నీటి బొట్లయినా చాలు

లేదంటే
ఇక పూసేందుకు కాసేందుకు
మొక్కలకు మానులకు మనసిరిగి పోతుంది

పారువెల్ల
30-11-2016