Tumhari Zindagi Ke Kya Raaz Hain? (Pic Attached) Poem by Sumali Nagarajan
Tumhari Zindagi Ke Kya Raaz Hain? (Pic Attached)
Maine tumhe kabhi pala nahi
Sirf dur se sahara hai
Isliye mere kuch sawal hain
Tumhari lambi umar ke kya raaz hain?
Kiss varsh may tumhara janm hua
Kya tumhe bhi kuch yaad hai?
Maali ki kadi mehanat se aaj
Tumme ye bahaar hai!
Jab tumne doosron se aapni tulna ki
Kya apne ko auron se chota paaya?
Hum to is antar se vyakul ho gaye
Tumne apne maan ko kaise samjhaya?
Maali ne tumhe thode mein kaise saancha?
Tum itni kum mitti mein kaise jeete ho?
Hume to itna saara bhi poora nahin padta
Tum itne kum mein kaise khush rahte ho?
Tumhare mool ko chahe kitni karvaten leni pade
Tumhe vuh har vakt seedha rakhta hai
Khudko chahe kai saal kutna pade
Tumhe vuh har dum seencha karta hai
Maine tumhe kabhi pala nahin
Sirf dur se sahara hai
Isliye mere kuch sawal hain
Tumhari zindagi ke kya raaz hain?
This is my 2nd poem ever, written soon after the 1st one. It's in Hindi. Wish I could have written in Hindi script here as well.
Photo Credit: Prof.Dr.S Bakhtiar Choudhary
This poem has not been translated into any other language yet.
I would like to translate this poem
Delivering Poems Around The World
Poems are the property of their respective owners. All information has been reproduced here for educational and informational purposes to benefit site visitors, and is provided at no charge...
5/10/2024 7:17:25 AM # 1.0.0.1119
Nazm ka ajeeb taassar hai. Asa lagta hai ke ek maan jis ka apna bachcha gum ho gia ho kisi doosre bachche ko dekh kar khud kalami kar rahi hai. Shukria.