खस्नु Poem by Ujjwal Raj Ghimire

ऊ एकदिन अचानक खस्यो
कोहि रोए, कोहि छट्पटाए ।
कसैले कविता लेखे, कसैले गीत गाए
कसैले बत्ती बाले त कसैले मुख चुक्चुकाए ।

तर,
सधैंका लागी खस्नु अघि,
ऊ कहिले कोशिसमा खस्यो
कहिले अभावमा खस्यो
कहिले मायामा खस्यो
त कहिले एक्लोपनमा खस्यो ।

सोधेनन् कसैले... किन खसिरहेछस्?
सोधेनन् कसैले किन खसिरहेछस्?

तर,
किस्तामा खस्न छोडेर
जसै ऊ एकै पटकमा खस्यो ।
सब बुझ्नलागे, सब खोज्न लागे

सब बुझ्नलागे, सब खोज्न लागे
तर, ब्यर्थ...
यहॉं प्रश्न भन्दा अघि उत्तर खस्यो
मानौं जट्टामा एक शूल पस्यो
मानौं सट्टामा एक फूल खस्यो


-गौशाला