Xa Iliwa Libhek'Umoya! Poem by Lusapho Gladstone Nyembezi

'Ngxaki zomhlaba zindongamele,
Iintlungu neentsizi zindifikele,
Ubumnyama bundugubungele,
Namashw'andingqongile,
Oontangandini bandijikele,
Abonyelisi bandivuyelele!
Nezihlobo zindilahlile! ! !
Ndingusikhala njalo ziintsizi;
Ndinkinankineka nomvandedwa
ndilusizi!
Lusapho lodwa oluthi lundixhasile!
Ngabegazi kuphela abanam
ngexesh'iinzima zifikile!
Ikho nembinana yabahlobo benene
abathi ndingagungqi baya kuhlala
bengabahlobo!
Ze ndingothuki ndakuv'izingqi,
Banam naxa ndibanjwe lubobo!
Bath'abadala mhl'iliwa libhek'umoya
kunqab'abahlobo!
Mhl'inzima zifikile kusala kupohela
abenene abahlobo! ! !
Ulwamvila lokungcungcutheka ndiluvile;
Incasa ekrakra ndiyingcamlile!
Ngoolwimi iiNyembezi ndizikhothile!
Ngenxa yoba izandla zingcolile!
Xa uYesu wangcatshwa kanye ngobetya
naye bendingubani ke mna?
Xa okaThix'unyana wabethelelwa ngabo
ebebaphilisa ebashumayeza
bendiyintoni na mna?
Inene mandamkele; umhlab'uyahlaba!
Ok'ulahlwa nangabahlob'aba! !
Hayi ndincamile:
Kodw'uYehova ndimthembile!
Yen'inene undikhusele!
Kalok endigcinile nje unesizathu! ! !
Kalok; uziqu zithathu! ! !