आंबो मेगन खानासो Poem by Ronjoy Brahma

उखैहाबनाय उदै गोरान
सैमा सियालनि रोनावनायबादि
आंनि उसुं सेराव मादै अमासि रान्दिनि गाबनाय,
दिखार गोनां रान्थाब-फोन्थाब।
गोरान रांखान्थिजोँ दाफबनाय
नोरजिया आंनि गामियाव
सिबाय मादैया खामला नागिरना मोनाखै।
नोरजिया सोदोमस्रिनि समाजआव
सानफा थोलो मालायनि दुवार नारखावथांदोँ,
सिबाय मादै!
बिसोरनि मैलाखौल'नो नुहैदोँ नोँ-
फुखारनि ओँखाम फिथर थरसेजोँ
सानफानि खामानियाव थिसनजादोँ।
देरबाय, देरबाय मादै
जोहोलाव आंनि फंबाया,
नाथाय आं खोनादोँल'-
आं निमाहा बियो मादै!
हावरिया बिमानि फायहं देरायाव
आंबो जोनोम मोन्नाय सासे खानासो।
आं मदद होगोन मादै
जोहोलाव फंबायखौ थुलुंगा होगोन-
मानोना आं मिथिगौ बिसोरखौ
बिसोरनि राव खबाम
गोखै गोखा फादुब गारांखौ
आं खोनागासिनो दं अरायबो।