Ronjoy Brahma

Gold Star - 35,252 Points (2 November 1995- / Amteka (Chirang) /Assam, India)

आयखौ गोसोखांनानै - Poem by Ronjoy Brahma

आव आव सना सना
दाथां दाथां फिसा सना
बुहुत दं सियाल दं
मोसा फैयो लख्रा फैयो
होनलायनायखौ।
माम माम खाम खाम
अ' अ' अखाफोर फै फै
सान्दुं फै अखा फै
सान फै सायख्लुम फै
होनलायनायखौ।
दे थांदो फिसा...!
आयनि रैसुमै गारांआ रिँफैयोब्ला
आं आयखौ गोसोखाङो।
दखनाजोँ हैया नावआव गोजोनै
दु दु फुथुनाय
सोमखोर दैज्लांनि दुब्लियाव
आथिँ सोमाव सोमाव आयनि बिखुंआव
रंजानायखौ आं गोसोखाङो।
आं गोसोखाङो रोजा रोजा
आयनि बोसोनखौ
दाखा दाखा आयनि अन्नायखौ।
आंहा गोसोआव दं आयनि
गोगो दाहार गोजोँ थुलुंगाखौ
गोथार गोफार आयनि मिजिँखौ।
दं, दिनै आं दावहाथिलियाव
(कुरुकेत्रनि फोथाराव नङा)
मुलुगनि लैथो गेजेराव,
अखाफोरनि एसेल' नांनाय सोरांआव।
सानस्रिगोन लैथोखौ
ना-एम्बु-खासेवफोरजोँ जुजिगोन।
बारलांगोन जोमैखौ
बार-सारअन्थाइफोरजोँ जुजिगोन।

Topic(s) of this poem: mother


Comments about आयखौ गोसोखांनानै by Ronjoy Brahma

  • Ronjoy Brahma (9/21/2015 7:03:00 AM)


    "आं बे मोनसे खन्थाइखौ बांसिन मोजां मोन्दोँ"- नीतु रामसियारि (Report) Reply

    0 person liked.
    0 person did not like.
  • Ronjoy Brahma (9/21/2015 7:01:00 AM)


    " मा इसे रैसुमै बिमानि राव"-लाजाथाव बसुमतारी (Report) Reply

  • Ronjoy Brahma (9/21/2015 6:58:00 AM)


    थारै आय गैयामोनब्ला समायना बुहुमखौ नुनोमोन्नाया जोँ बयबो फैमालमोन।(सुपेन ब्रह्म) (Report) Reply

Read all 3 comments »



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Sunday, September 20, 2015



[Report Error]