हायेननि सुफिननो Poem by Ronjoy Brahma

जोँ मिथिगौ हायेननि सुफिन
प्रमद चन्द्र ब्रह्म
मुस्रि नोँ सानस्रि आरो मुस्रिनि
-
जोँ मिथिगौ हायेननि सुफिन
बिथ'राइ नोँ बिथ'राइनि गेजेराव
-
मिथिगौ जोँ हायेननि सुफिन
अलंबार नोँ अलंबार मुगानि
-
मिथिगौ जोँ हायेननि सुफिन
हार्थखि नोँ हार्थखि हालानि
-
मिथिगौ जोँ हायेननि सुफिन
सना नोँ गेदेमा सनाखि बिजाबनि
सना नोँ सनाथि मुगानि
-
मिथिगौ जोँ हायेननि सुफिन
थांना दं नोङो बर'-हिन्दी-इंराजि
गेदेमा सोदोब बिहुंआव
-
साहित्य प्रमद चन्द्र ब्रह्म
थुनलाइगिरि रावबो सिनायि गैया नोँखौ
बर' थुनलाइनि मुलुगाव
-
मिथिगौ जोँ हायेननि सुफिन
नोँनोथ' गेदेमा आंगोथार हारिनि
मिथिगौ नोँबोथ' सासे
सिरि मोनखां होनाय हारिखौ
-
मिथिगौ जोँ हायेननि सुफिन
जामब्रिहाबनाय बर' माहारिखौ
नोँनोथ' रैसुमै सुफिन दामदोँ
-
मिथिगौ गेदेमा नोँखौ
रज'नाय नोँबो खराननि बारियाव
हावरिया बर' बिमानि गोरबोआव
गेदेमा गामि हनथायाव जोनोम लानाय
-
मिथिगौ गेदेमा जारिमिना खिन्थायो
नोँदि सासे गोख्रोँ जेनियास मोन
हारि माहारि हादोदखौ सिबिसुला
-
दिनै जोँना दं नोँ गेदेमा
अलंबार महरै बर' हारिनाव
बर' हारिनि अख्रांआव
-
मिथिगौ जोँ हायेननि सुफिन
नोँनि सोरांआव
नोँनि मिनिस्लुनायाव
ओँखारबोदोँ हानजा हानजा
बर' फिसाफोरा
हानजा हानजा बर' रेबगिरिफोरा
-
मिथिगौ जोँ हायेननि सुफिन
थुलुंगा नोँदि गेदेमा
सिबिजाथाव अरायनि Academic Career आ
-
मिथिगौ जोँ हायेननि सुफिन
लाइसि नोँ गेदेमा बर' थुनलाइनि
दिनै दं उन्दैफ्रा रेबनो नोँनि बिखायाव
नोँनि गुफुर गोथार आख'लावनो
नोँनि गोजोँ सानस्रि गियानाव
-
मिथिगौ जोँ हायेननि सुफिन
अलंबार नोँ गेदेमा
रिँगोन नोँनि 'हायेननि सुफिन'आ
रिँगोन अराय रिँगोन
-
मिथिगौ जोँ हायेननि सुफिन
दिनै जोँ बावनो हाया
जोँ नेवसि हाया
नोँनि थुनलाइनि होनाय
माइलनि खुन्थिया स'नाकी बिजाबखौ
-
गेदेमा थांना थागोन नोँनि बर'आ
बर'-हिन्दी-इंराजि सोदोब बिहुंआवनो।