Ronjoy Brahma

Gold Star - 35,046 Points (2 November 1995- / Amteka (Chirang) /Assam, India)

आबौ थख्ला - Poem by Ronjoy Brahma

' बबाव गोमालांखो गोदोनि दिना-
बहा गोमालांखो नोँबो सना-'
बे मोनसे आबौनि ट्रेजिडी
आबौआ गारां हगारदोंमोन।
थरथिँ थरथिँ थरथिँनैसो मोदै
रानज्रिँ मेसेब सेब मेगननिफ्राय
गसरबोदोँमोन दै।
अन्थाइ बिखा अबंलावरिया
आंनि सुखु दुखु बियो बुजिया
आय' संसारा बालाबोथिया
थैलांबाय आंनि अनजालिया!
बैसागु नोँ नोँ नोँ-
नोँबो आंखौ सोगाबो
आंखौ गोसोखांनो होयो दाबो।
अनजालि! नोँ दा सोरनि रायजोआव-
रामनि अजय्दायाव?
ना राबणनि लंकायाव?
नोँखौ नागिरो आं सना
रैसुमै दुखुनि सेर्जा हुना
खना खना हाजो हायेन
जोमै जोमै बिरद' बाद'।
नुवाखै सना नोँखौ एडेन गार्डेनाव,
सोरबा हौवाजोँ बेरायनाय।
नुवाखै संकस सडियानि सेर सेर
नेपालनि मेचि दैसानि सेर सेर
आलो गोजोन सोरबा-
जोहोलावजोँ संसार जानाय।
अनजालि! नोँ आंखौ गारना थांमारदोँ-
गारना थांदोँब्ला बहा थाहैखो?
लण्डन-बिजिँ-निउ यर्क ना
खोला आप्रिका खोला करियाआवसो,
ना मुम्बाइ कलकातानि बहाबा खनायाव?
अन्थाइ बिखा अबंलावरिया
हार्सिँङै गावल' अमृतखौ जाबाय,
आंनि अनजालिखौ बियो फोथैबाय;
नै आंखौबो मानो फोथैदिया?
नङा नङा आंनि अनजालिया
खारखोमादोँसो,
बियो आंखौ आनजाद नायदोँसो।
नागिरबायो आं दैज्लांनि दुब्लियाव
जानो हागौ बियो-
माय गायफाबायदोँसो सोम्बारि रम्बासि मोनजोँ,
हाब्रु सारलायदोँ खोमा
बुदां माहाजोननि हाल जांख्रायावसो।
नाथाय गैया गैया नुहरा,
दुब्लि गेजेरनि सुमलि बिफांआव गाखोना
आजलं आजलं नायहरबाबो।
हे अनजालि! नोँ बहा दं?
नागिरबायो आं सेर्जा हुयै हुयै,
आरो सना अनजालि रजे-
नागिरबाय थागोन आं अरायसम
दुखुनि देँखो हगारनानै-
ग'ग' गगलिँ ग'
दैज्लां-मेसेँ बिरद' बाद'।

Topic(s) of this poem: poem

Form: Elegy


Comments about आबौ थख्ला by Ronjoy Brahma

  • Ronjoy Brahma (9/21/2015 6:30:00 AM)


    "मोजां दोँसे गोथां बेलाड (Ballad) जादोँ आरो रमान्टिक बिथिँजोँ बुंफबनाय Ode जेराव अनजालिनि गेजेरजोँ Folk Element आ स्रायै बेरखांदोँ।" (राखाव बसुमतारी) गेदेमा सारआ मोखां बिलाइनि गेजेरजोँ फोरमायना बुंदोँ। आं गेदेमानिसिम हाजासे गोरबोनि साबायखर होदोँ। (Report) Reply

    0 person liked.
    0 person did not like.
  • Ronjoy Brahma (9/21/2015 12:36:00 AM)


    "जोबोद जोबोद गोरबो गाबखांनाय खन्थाइ। सुमबुकबादि बोकथाबदोँ गोसो गोरबोखौ।" - सुपेन ब्रह्म (Supen Brahma) सारआ खन्थाइखौ फरायना बुंदोँ। (Report) Reply

Read all 2 comments »



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Sunday, September 20, 2015



[Report Error]