फां-फुं इलेक्ट्रिकनि सोरां मोन्नानै
खामखोन्दा मम बाथिखौ दुनानै
फिउ फिउ गारहरदोँ बियो ड्रेइन फारसे।
दुगाया देरहानायनि थाखाय नङा,
गावहानो उदै दुजादोँ,
स्रोद इलेक्ट्रिकनि मेसेबनायाव
दांग्रोम नांदोँ माखौबा।
सानबादि सोरां नङा बियो,
अखाफोरबादि गोजोँ नङा,
थगायसुला बियो-
अननाय नङा बियो।
बियो थिफुद्ला गावनो बुजिदोँ
गज' ममआबोदि खेबसे खुसिजोँ
खथा मोनसेखौ सोरां होगौमोन!
थसे गज' ममनि बेसेनखौ
बुजियैल' नङा,
थसे गज' ममनि गुणखौबो
बियो बुजियाखै।
समायनाय गैयै गज' ममनि महरखौ नेवसिदोँमोन
बिनि अननायाबोदि बाखोनायथाव जागौमोन!
सांग्रेमानि सोरां नागिरदोँ बियो
सांग्रेमाजोँनो जंखाय जादोँ।
बिनि मेगना गोजोँ नङा
गोसोआ बहा जोँनो?
अनसायनाय गैया बिहा
सांग्रेमाजोँबो रुजु जाया।
This poem has not been translated into any other language yet.
I would like to translate this poem
Very amazing sharing really. Wise and expressive with emotion....`10