Ronjoy Brahma

Gold Star - 35,125 Points (2 November 1995- / Amteka (Chirang) /Assam, India)

नेर्सोननि होस्रिख्रावनाय - Poem by Ronjoy Brahma

मेगनजोँ आं सिनायनोल' हायो,
गन्थंजोँ मिथिनो मोनो
बबे बिबारा माबादियै-
माबादि मोदोमो।
खर' मेलेम लोगो लानानै,
गोसो गोरबो ज' जानानै,
सान्नोल' हायो बबे मोजां
बुजिनोल' हायो बबे गाग्रि
मोन्नै हाबा देहा सोलेरा मावनो हायो।
आथिँजोँ जेसेबां खारलांनो हागौ
आखायजोँ थरफा थरफा
बांसिनै खुबैहरनो हागौ,
अदेबानि मेगनजोँ जेसेबां आं नुयो
गोरबोजोँ बांसिन नुनो हागौ।
आं दा दावहाथिलियाव दं
सान हर मेँनाय गैयै दावहा नांनानै,
आंनि सुथुरा जोमै-अखा
आंनि सुथुरा बार-दैबाना
बांग्रिँ-सारअन्थाइ-सान्दुं।
आंनि सुथुरा आंनि गोसो
गोसोआ आंखौ बान्दा खालामो,
आंनि नाथाय गोसोनि बान्दा नङा,
गेददा गेददि अलसिया गोसोनि।
सुथुरखौ आं फेजेनगोन
सासेनि उनाव सासे साफा साफा
आंनि सिमां आंनि मिजिँजोँ।
अख्रां साजोँ बिरनाय फालोसे दाउसिनफ्रा
आंजोँ लोगो जायोब्ला,
दावलाय-थब्ल'लाय लैथोनि नाफोरा
आंजोँ लोगो जायोब्ला,
मुलुग मिथिँगानि दंनायमानि आंनि लोगोब्ला
आं आंनि गोसोजोँ जुजिगोन
जायखौ आं फेजेन्नो माब्लाबाबो हाफेराखै।

Topic(s) of this poem: poem


Comments about नेर्सोननि होस्रिख्रावनाय by Ronjoy Brahma

  • Liza Sudina (9/23/2015 11:07:00 AM)


    Namaste! (Report) Reply

    0 person liked.
    0 person did not like.
Read all 1 comments »



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Wednesday, September 23, 2015



[Report Error]