औ औ Poem by Ronjoy Brahma

मोदोमाव गस्ला गेन्जि गांसेल'
हान्थु फैखोनाय गामसा
सांग्रेमा हमदोँ बियो
खोमसि खोमसि लामायाव
थोर थोर गोजां जादोँ
-
गुस्थि खखाबाव बांग्रिँ मावदोँ
मोदोम गंसेमानि सिथर बेरसावदोँ
नैबे औवाबारियावथ' बुहुत ओँखारो
बेयावनो आन्दायदोँ बियो
-
बिड़ि गज' सलाय खावलाबसे
फुद गैयै नागासे सादा
आग्लायबोनाय बा रांआबो गदोँ
बहा नागिरना मोनबावनो?
-
बेखौ मदद खालामनो
बे गुसु हर गेजेराव
अखाफोर गावदांआ मोखां दिन्थिया
हाथर्खि थरसेया नायहरनाय नङा
दं नायहरखोमा मिनिखोमा
गोमोथिँ ससमा एम्फौफोरल'।