फारसे मेगन मेसेबदोँ अखाफोर Poem by Ronjoy Brahma

बे हरा फुर्णिमाब्लाबो जोँ लागोआव खोमसि
दाखा जानाय जोमैनि थाला
गेग्रेब ग्रेब देरायाव
मेसेब रोङै गोलांना थायो हावरिया
-
अखा हायो बे हराव
बार-हुंखा बारबोयो
सार-अन्थाइ बांग्रिँखौ
दा मख'आबाबो जासै
-
दै बानायाव गोजावलाङो
बिसोरनि मोसौ मोसा दाउ हांसो
बार-हुंखायाव बिरखारलाङो
बिसोरनि थोरसि-लथा
बिरखारलाङो बिसोर उखुम मुदा
-
बांग्रिँ सार-अन्थाइजोँ
मानसिनि सिलिँखार जानाया
मानसिनि दाय नङा
सयं अबंलावरिनोसो दाय
-
बोथिसे मोनजादोँ देहा फोरान्नानै
अलसिया नङा बिसोर हावरिया
रानथाबना थानांदोँ अब्लाबो बोथिसे
फेराय खाथि सैयै सैयै
गंसे देरा लुनो नाजानानै
-
मोनसे लामा बारनानै
अखाफोरा दा दा हरै सोरां
बाथिखौ सुखाङो नै बिसोर
बार-हुंखाया नाथाय खोमोर फैयो
-
बेसे लामा नायनो अखाफोरखौ
नांथानानै दं फाख्रि बिलाइआव
बिसोरनि देराखौ सिनायहरा बियो
बेखायनो सोरांखौ हावरियाफोरा लामा नाया।