खोमा खेबनानै बुंदोँ आं Poem by Ronjoy Brahma

रजे मेगनखौ मेसेब
अख्रांआ गोग्लैसिनगोन
नोँनि खोमायाव आंनि सनाया
गिलिर गिलिरथार मोजांमोन्नाय
गोरबो बेखेवना मेगनखौ नारब्लांहर
बै हाजो बै अख्रां
नैबे सारिगिदिँ बिफां-लाइफां
नोँनि सना आंनि माला
गनायगोनदा?
रजे साम'बादि दाजा हन्थासेयावनो
खल्था सिङाव खुसुं जेरै
दाउसा मोख्रेब बायसा
गोरबोआ गोरबोखौसो बुंदोँ- -
हाद्रिया लेँहरो- -
ओँथि गैयै रंजानाय बाराव
मेगनजोँ दाबिजिर नोङो
मेगन मोदैजोँ गोरबोखौ बिलिर
खोमा खेबनानै बुंदोँ आं- -
खारखोमाया आं
मेथाइ रोजाबै रोजाबै थागोन
बोहैनानै नोँनि आंनि गोरबोजोँ
फेँफोना नङा आं आरो- -
नोँ फागुण नङा रजे- -