Ronjoy Brahma

Gold Star - 35,633 Points (2 November 1995- / Amteka (Chirang) /Assam, India)

एखमबा आं सानो - Poem by Ronjoy Brahma

फाखोनाखं दामै दामै
गोसो थिखोना रंजानो हागौ आं
गाम्बारि बुरैनि खामफ्लायाव जिरायनानै
एखमबा सिरि होनो हागौ जेथोनि अखा
~
नै ओरै थांनानै-
हरै थाङो आंनि गोसोआ
कुरुक्षेत्रखौ गिदिँ गिदिँ
गंगानि दिमोल खुन्दा सेर सेर
~
एखमबा जोख्लोब गुदु अरनखौ
बारलांनानै-
सहैयो आं सिखोझार खेरायसालियाव
सिजौ गुदि सनानि जांख्लाजोँ
सोर्गोआव थांनो गोसो बोरनानै
~
सम सम दाउखा दन्दाया
गा गा गाबफैयो
बेफोरखौबो सैमा बांग्राया
फौ फौ सोँहरो
~
बेसे खेबख्लाब जाबावनो-
जुवाननि दर्खँआव फालोसे सिगुण
दिनैनि सिला फाख्रिजोँ?
~
एखमबा सानो आं-
हे अरननि सुन्दाय गोलाव मैदेर
सुन्दाय फायखन्नानै आंखौ
बुरलुंबुथुराव खुबैगारहर
~
गैया बेफोर फाग्लानि हाबिलासोबादि
सिंह'आ बस'नो हायै
लाइलननि फर्दासोबादि
थेवबो-
आंनि मोखांआव त्रिफालनि गोसोम फर्दा
~
नै निलु! निलु
नोँ थगायमारदोँसो नङाना?
हनै सानजाहा सोरांबोगौ होन्नानै
नोँनि मोखांआव लाइलननि फर्दामारमोन?
~
आंनि आन्दो आन्दो
दाबो इसाना मोनाबिलिखौ लोगो हमो
गोसो थोनायनि मुलि बिलिरनानै।

Topic(s) of this poem: feelings


Comments about एखमबा आं सानो by Ronjoy Brahma

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Thursday, January 21, 2016



[Report Error]