बेगर फोनो माब्ला Poem by Ronjoy Brahma

आबाद खालामनांगौ जोँहा
हाइब्रिद ग्रौ ग्रौ ग्रौ-
बिबारजोँ-फिथाइजोँ समायना
माब्लाबाबो खेबसेबो रसा नाङैबादि
-
जोँहा गंसे फोथार दं
दिउआ दिउआ दिउआ-
बार-दै-अखा जेबो आंखाल गैया
अदेबानि बेयाव बेगर गरसेयाबो फेलेँ थाङा
-
नाथाय जायाखै जायाखै
दोखो दोखो जाखानाय हाखौनो
टेक्टरजोँ हालेवलाय
नांगोलजोँ हालेवलाय
-
बेबो एवो
बबो एवो
दोखो दोखो दोखो
सोर हायो बादिलायदोँ
-
हासार सारदोँ
हासार होदोँ
अब्लाबो माबा मैलायानो दंथारबावोनो
जेराव फुलि मोनफ्रोम गंगार खर' जागोन
-
बादिलायदोँ बादिलायदोँ
बेबादिनो बादिलायबाय थादोँ
बोथोरासो थांलाय लांबाय
-
माब्ला फोबावगोन बेगरखौ?
माब्ला गायबावगोन बिफां फुलिखौ?
मोनजानो माब्ला?
-
बिफांनि साया साया
खुसियै गोजोन गोजोन
माब्ला जिरायनो मोनबावगोन?
-
न' गंसेखौनो नायनो सम गैलिया
बारजोँ अखाजोँ
सार-अन्थाइ आरो
दै-बानायासो फैलायलांगौ! !