Praveen Kumar in Bhavana


ಮಹಾ ಸಿದ್ಧ - Poem by Praveen Kumar in Bhavana

ಬುದ್ಧ, ಮಹಾಸಿದ್ಧ,
ಹೀಗೋ ಸಂಸಾರ ಕೂಪಕ್ಕೆ ಬಿದ್ದಿದ್ದ;
ಬಿದ್ದಲ್ಲಿಂದ ಮೇಲೆದ್ದ,
ವಾಸನೆಗಳ ಗೆದ್ದ,
ಎಲ್ಲಾ ಬಿಟ್ಟು, ಭಿಕ್ಷಾಟನೆ ದಾರಿ ಹಿಡಿದ;
ಆತ್ಮವನುಜ್ಜುಜ್ಜಿ,
ಅಂಟಿದ್ದ ಕೊಳೆಗಳ ತೆಗೆದ;
ಬುದ್ಧಿಗೆ ಒರೆ ಹಿಡಿದಾಗ ಜೀವ,
ಬುದ್ಧ ಬೆಳಕಾಗಿ ಬಂದ;
ಹೊಸದಾರಿ ಕೊಟ್ಟ, ಹೊಸ ದೃಷ್ಠಿ ಕೊಟ್ಟ,
ತುಂಬಿದ್ದ ಕತ್ತಲೆಗೆ ಹೊಸ ಅರ್ಥ ಕೊಟ್ಟ.

ಎಲ್ಲವೂ ಭ್ರಮೆಯೆಂದು,
ಭ್ರಮೆಯೆ ಸಕಲ ಕಾರಣವೆಂದು,
ಭ್ರಮೆ ನಿವಾರಣೆಗೆ ಶಪಥ ತೊಟ್ಟ;
ಊರೂರು ತಿರುಗಿ,
ಜನ ಸಂಕಷ್ಟಕ್ಕೆ ಮರುಗಿ,
ತನ್ನೊಳಗಿನ ಬೆಳಕನ್ನು ಹಂಚಿ ಕೊಟ್ಟ;
ಶಾಶ್ವತವೆಂಬುವುದಿಲ್ಲ,
ಕಾಲಮುದ್ರೆಗಳ ಸಂಕೋಲೆಯೆಲ್ಲ,
ಕಾರ್ಯಕಾರಣ ಕೊಂಡಿಯೆ ಸೂತ್ರವೆಂದು,
ವಿಶ್ವಸತ್ಯದ ಗುಟ್ಟನ್ನು ತೆರೆದಿಟ್ಟು ಕೊಟ್ಟ.

ಪ್ರಪಂಚಕ್ಕೆ ಬೆಳಕನ್ನು ಕೊಡಲು,
ಚಿಂತನೆಯ ತಪಸ್ಸಿಂದ,
ತನ್ನನ್ನು ತಾನೇ ಸುಟ್ಟುಕೊಂಡ;
ಸೂರ್ಯ ಚಂದ್ರರಿಗಿಂತ ಶುಭ್ರ,
ನಿಹಾರಿಕೆಗಳಂತೆ ನಿರಭ್ರ,
ಬೆಳಕಾಗಿ ಒಳಗಿಂದ ಹುಟ್ಟಿಕೊಂಡ;
ಒಳಗೊಳಗೇ ಉರಿದು,
ಹೊಸ ಆಧ್ಯಾತ್ಮ ದೀಪಕ್ಕೆ,
ಇಂಧನವಾಗಿ ನಿಂತ;
ತನ್ನನ್ನು ಆಹುತಿುಟ್ಟು, ನಿರ್ವಾಣ ಕಂಡ.

ಅಷ್ಟಪಂಕ್ತಿ ಪಥ ತೋರಿ,
ತಥಾಗಥ, ಅರ್ಹತ್ತಾ,
ಹುಟ್ಟುಸಾವಿನ ಚಕ್ರ ಭೇದ್ಯವೆಂದ;

ನಿರ್ವಾಣವೆ ಕರ್ಮ ಮುಕ್ತಿ,
ನಿರ್ವಾಣದಿ ಅಲೌಕಿಕ ಶಾಂತಿ,
ವೈರಾಗ್ಯದಿ ಸಕಲ ಸುಖ ಸಿದ್ಧಿಯೆಂದ;
ಸಂಷವನು ಕಟ್ಟಿ,
ನಿರ್ಭಾವವನು ಮುಂದಿಟ್ಟು,
ಸಾಖ್ಯಮುನಿ ಬುದ್ಧ, ಮಹಾಸಿದ್ಧನಾದ.

Topic(s) of this poem: buddha


Comments about ಮಹಾ ಸಿದ್ಧ by Praveen Kumar in Bhavana

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Friday, April 29, 2016



Famous Poems

  1. Still I Rise
    Maya Angelou
  2. The Road Not Taken
    Robert Frost
  3. If You Forget Me
    Pablo Neruda
  4. Dreams
    Langston Hughes
  5. Annabel Lee
    Edgar Allan Poe
  6. If
    Rudyard Kipling
  7. Stopping By Woods On A Snowy Evening
    Robert Frost
  8. Do Not Stand At My Grave And Weep
    Mary Elizabeth Frye
  9. I Do Not Love You Except Because I Love You
    Pablo Neruda
  10. Television
    Roald Dahl
[Report Error]