ಗಗನ ತುಂಬ ಬೆಳಕು ಹರಿಸಿ,
ಕವಿದ ಕತ್ತಲ ತೀವು ಸಡಿಲಿಸಿ,
ಹರಡಿ, ಚೆಲ್ಲಿದ ಮುತ್ತು ಮಣಿಗಳ
ಮಧ್ಯೆ ರಾಜ ನಗುವ, ನೋಡೆ.
ರೆಪ್ಪೆ ಕಚ್ಚಿದ, ಮುತ್ತು ತುಂಬಿದ
ನಿದ್ರೆಯೊಳಗಿನ ಸ್ವಪ್ನದಂತೆ,
ವಿಶ್ವದರ್ಶನ ಕಂಡಿಯಂತೆ,
ಶುಭ್ರ ಚಂದಿರ ನಗುವ, ನೋಡೆ.
ಬಳಲಿ ಬಾಡಿದ ಜೀವರಾಶಿಯ
ಸತ್ಯಮೀರಿದ ಲೋಕಕೇರಿಸಿ,
ಶಾಂತಿ ತೃಪ್ತಪಥದಲ್ಲಿರಿಸಿ,
ಮುಗಿಲು ತುಂಬ ತುಂಬಿ ಯೌವನ
ಚಂದ ಚಂದಿರ ಪಹರೆ ನಿಲ್ಲುವ.
This poem has not been translated into any other language yet.
I would like to translate this poem