रायज्लायनांगौ जादों आगानफोरजोंनो Poem by Ronjoy Brahma

गोबां आगान दंसै बिसोरनि आंनि नैबे बिखायाव
माब्लाबा जुथा गाननानै बिसोर गाग्लिलांदों
माब्लाबा गोरलै आथिंजों बिबार आखिफैदों
बिसोरजों आंनि नांज्लायनाय
आरो मिनिलायनाय
बुलाय सुलाय जानाय
सोंनाय फिननाय सानफ्रोमबोनि सानरेब जानानै थालांदों
गंसे अख्रां हाबनानै थाबाय बेवहायनो

सोरबा लाउखार सासे
सिफुं दामो आंनि बिखायाव गोबां देंखो

रायज्लायनांगौ जादों आगानफोरजोंनो
मोनफ्रोमबो फुंनि साहा लोंनाय- लामा लामा
आरो मोनाबिलिनि बोथिसे थेब्रे जानाय

हरखाब साननाय आरो मोन्दांथिफोरा
गोजान आरो खाथिनि गोसोनि दावबारियाफोरबादिल'
फैयो आरो थाङो
फैयो आरो थाङो

आं आंनि अनजालिखौ बुङो, नोंनो लाइ होबाय बिसोरखौ
गोदोनिफ्राइनो बिसोर बेबादि जालांबाय
आरो माथो खालामबावनो दानिया
बिसोरनि मोजोमसे हासार गोनां आगान लाखिनानै
फैनो हो फैनायखौ आरो थांनायखौ थांनो