दाउखौऔ मासे दाउ खौऔ Poem by Ronjoy Brahma

नोंनि गारां नोंनि देंखोआवनो हाजोनि अन्थाइया सानेरो
उनदुहाबनाय बुहुमा खेबसे लरेद मावखाङो
अखा जाख्रिसे हायो मिथिंगाया गोदान महर लायो
एम्बु बंग्ला ना खुरस्रा लानलाइ बुब्राब बुब्राब मोसायो
आय' दाउखौऔ बेसे गोदै नोंनि गारांआ
गोसो जायो नोंनि मेथाइजों गोरोबफानो बुहुमानो
नोंनि मेथाइयाव मैदेरनि बिखुंआवबो गां रजखाङो

नाथाय नों मेथाइल'सो रोजाबनो रोंगौ
गारां हगार हगार
मेथाइनि देंखोआल'सो अनसायजायो नोंनि
नोंनि आखल आखु बुजिनो रावबो आद्रा गैलिया
नोंनि गाज्रि गुनखौ मिथिनो रावबो आदुवा गैथारलिया

मालायनि बिदै लोङो नोङो
मालायनि बासायाव गावनि बिदै दैनानै गालाङो
मालायनिखौ फोजोबो गावनिखौल' फेहेरो
बेसे मुगैथाव होनबा नोंनि आखला

बयनिबो सिगां सिगां
दालाइ बारस्लाय बारस्लाय
गोदै गोदै बुङो मुलुगनि बाथ्रा रोजाबो नोङो
थां आरो थांनानै थानो हो बुङो
मावो गावनो गाज्रि ओजों खना हजों खना सिरि सिरि