गोदान गोरबो सारिदो Poem by Ronjoy Brahma

बारियाव मोसौ बोरमा हाबफैब्ला
लावथि लानानै होहरनांगौ,
हादोराव सुथुरा गाग्लोबनो फैयोब्ला
सुथुरखौ खौसेथि जाना होबथा नांगौ।
हे लोगो सिगांदो गोरबो
गावनि बिखा फोरदान फोरदान,
सुथुरखौ दबथायनो होखार हरनो
गोदान गोरबोनि गियान सारिदो।
फाब जाब्ला उद्राय नांगौ
दाय मावब्ला साजा मोन्नांगौ,
गोदान गोरबो सारिदो
हे लोगो खोमसिखौ बोस्रांदो।
जाम्बा जाब्लानो सुथुरा बाङो
आदुवाया सुथुर जोनोम होयो,
जांख्रिखांदो बेखायनो हज्रिखांदो
हे लोगो गोदान गियान सारिदो।
उखुन्दै हाद्रि बाफबनाय मुलुग
आंनि हादोराव आदुवानि दामोल,
गोदान गोरबो गियान सारिदो
हे लोगो खोमसिखौ बोस्रांदो।