ମୋ ଝର୍କା ବାହାରର ପୃଥିବୀ Poem by Bharati Nayak

The World Outside My Window

ମୋ ଝର୍କା ବାହାରର ପୃଥିବୀ

ମୁଁ ସୋଫା ଉପରେ ଆଉଜି ବସିଥାଏ

ମୋ ଭାବନା କିନ୍ତୁ

ବାହାର ପବନରେ ଭାସିଯାଏ

ଯାହା ମୁଣ୍ଡ ହଲାଉଥିବା ଫୁଲଙ୍କ ଗହଳରେ

ସଧୀରେ ଆନ୍ଦୋଳିତ ହେଉଥାଏ l

ମୋ ଦୃଷ୍ଟି ପୃଥିବୀର ସବୁଜିମା ଠାରୁ

ଆକାଶର ନୀଳିମା ଯାଏ ଲମ୍ବି ଯାଏ l

ଆଃ କି ଶାନ୍ତି! ଆହା କି ଅପୂର୍ବ ମାଧୁରିମା!

ହାଡେଦା ପକ୍ଷୀମାନେ ପହଂଚି ଯାଆନ୍ତି

ଆଉ ମାଟି ଉପରେ

ଖାଦ୍ୟ ଅନ୍ୱେଷଣରେ ଲାଗି ଯାନ୍ତି l

ରବୀନ ଚଢେଇଙ୍କ ନାଲି -ହଳଦିଆ ରଙ୍ଗ

ସେମାନଙ୍କ ମାଟିଆ ରଙ୍ଗ କୁ ଟିକେ ଊଣା କରି ଦିଏ

ଝର୍କା ବାହାରେ ରଙ୍ଗ ବିଛୁଡି ଯାଏ l

ବାଡ଼ା କଡରେ ଏକ ବିଶାଳ ଗଛ

ଉଚ୍ଚ କୁ ଉଚ୍ଚ ଉଠି

ଆକାଶକୁ ଛୁଇଁବାକୁ ଚେଷ୍ଟା କରୁ ଥାଏ l

ପ୍ରକୃତିର ଏ ଭରପୁର ସୌନ୍ଦର୍ଯ୍ୟ

ସତେ ଯେମିତି ସ୍ରଷ୍ଟାଙ୍କୁ ଅଭିନନ୍ଦନ!

ଆଃ, ମୁଁ ଏଇ ଗଛର ପତ୍ରଟେ ହୋଇଥାନ୍ତି କି?

ଦ୍ଵନ୍ଦ-ଶୁନ୍ୟ, ଚିନ୍ତା -ରହିତ,

ନ ଥାନ୍ତା ଲାଭ -କ୍ଷତିର ହିସାବ,

ନ ଥାନ୍ତା, ବନ୍ଧନ,

ନ ଥାନ୍ତା, ଟିକସ ପଇଠ କରିବାର ଜଂଜାଳ,

ନ ଥାନ୍ତା, ଅପରାଧ -ବିଷୟକ ଭାବନା,

ନଥାନ୍ତା, ଗଲା-କଲି ଅବା ଆସନ୍ତା -କାଲିର ଚିନ୍ତା

ପ୍ରକୃତରେ, ସମୟ ହିଁ ନ ଥାନ୍ତା l

ଆଃ, ମୁଁ ସେଇ ଗଛ ର

ପତ୍ରଟିଏ ହୋଇ ଥାନ୍ତି କି,

ଆଉ, ଦ୍ବନ୍ଦପୂର୍ଣ୍ଣ ଧରଣୀ ରୁ

ମୁକୁଳି ଯାଆନ୍ତି!

This is the Odia transcreation of thepoem 'The World Outside My Window'bytheSouth African Poetess Adiela Akoo.