अननाय दाहो अननाय लुबैग्रा जायो Poem by Ronjoy Brahma

आं बिनो अननाय होदोंमोन
हाजासे गोरबो बिखानि अननायखौ दिहुननानै
माखनबादि आवथिनानै
बिनो लुफावनानै होदोंमोन बिखौ गोजोनहोनो
बियो गोजोनमारदोंमोन ना गोजोनाखै बेखौसो मिथिया आं

बिनो अननाय होनानै
बिनिफ्राइ फिन अननाय लुबैफिनदोंमोन आं

मानसिफोरा बुंसोलायो
अननायासो अननायखौ जोनोम होयो
आरो अननायजोंनो मुलुगा थांनानै थायो
अननायजोंनो जुलि जायो मोननै फाराग
नाथाय थांनानै थानो थाखाय अननाय मोनाखै आं
आं गावनियाव थानाय अननायखौनो फोजोबना लाबाय

अननायनि थाखायनो गोमालाङो थोबसे अखाफोर
जोमै सिङाव गाबखोमानानै
दै आरो बारआव गोजावनानै थैयो

नोंनो अननाय जासिनानै
बारआव बिरबोनाय रजेनो अननाय दाहो
बियो अननायखौ आद्रि खालामो
आरो अननाय दाहो अननाय लुबैग्रा जायो
मानोना लुबैनायाव सिथाबनानै थायो बेसेबा गेदेर फाफ