उजिगोदान गथ' नंलिया जों Poem by Ronjoy Brahma

आखायाव एमफि मेगनाव सिमां लानानै
हाजार खोमसि अरन बोस्रांबोबाय
गोबां दावहा फोथारनि बिस उखुन्दै सौसिना
गावनि बिखाखौनो गरायबादि दाब्रायै दाब्रायै
सफैबाय जों बेसेबांबा गोजान लामा- गुवार फोथार

सम बेयो गंसे गोजोन नखर दानायनि
आंगो बुथुमनायनि
दोंसे खुन्दुंजोंनो अख्रां गंसे सिला उरायहोनानै
गंसे गोजोन दैमा जावनायनि

नाथाय बिमा सासेनिनो बेवकुब बायगर गथ'फोर
मेंनोरोङै गथ'फोर
मा मावगोन मा मावा फोथारनि हाद्रि बुथुम बुथुम
हाद्रिनि फिथा हमनायावसो मुखुब

जानो खहाबा लोंनो खहाबा
गले गले नों बेसे बुंबावनो नोंथां?
हामा होनसिन मावसिन, हामा होनसिन मावसिनसो
बाथ्रा बुङै बुङैनो बुंग्रायासो आदुवा जालांलायलांबाय

नोंथाङा मिथिगौ
हाद्रिजों गेलेनो मोजां मोनग्रा गथ'फोरा
हामबा दाहाम हाद्रिजोंनो मोदोमनि गाराय फाहामनो नाजायो
नाथाय गारायासो बारा जालांबाय थायो
ओरै उजिगोदान गथ' नंलिया जों