बुरलुंबुथुरजो खारनाय रेलगारियाव Poem by Ronjoy Brahma

सराइघाथ दालांजों खारनाय
रेलगारियाव जनानै
आं बुरलुंबुथुर दैमाखौ नायहरदोंमोन।
जोबोद गोसो होनानै-
मोजाङै नोजोर होयोब्ला
मेगननिफ्राइ गोसोजोंनो साबसिन सिनायो।
आयलि-जायलि बुरलि बुरैया
फिसायनि गोथैसह नागिरनायबादि
माबा नागिरदों बे हायेनाव बुरलुंबुथुरा।
बुरलुंबुथुरनि आफाखि थामहिनबा
लोमसावनाय अननायनि गोबानायजों
नायहर नायहर
बिफां-लाइफांआ बेसे सोमखोर....।
जोबोद नायनो समायना
गंनैसो रुंमाया गेलेदों
हांसोबादि दैमा बिखायाव।
आं सानदों- आं खन्थाइगिरि जानायमोनब्ला
दोंसे खन्थाइ लिरगौमोन आं नोंनि थाखाय।