दैज्लांनि अख्रांआ गाबनायबादि
आंनि जिउ आथिंआ गाबदों
दा आसिन बोथोरनि बारा होबथा जाबाय
दैज्लांनि रंगिना बुब्लियाव आखाय फोलावबायनाय
बिफांनि दालाइफोरा बायस्रानो हमबाय
आंनि गोसोनि बायदि सिमां मिजिङा
दानसोरां हरनि सांग्रेमाबादि बिरथिं बायदों
खोमसिनि बामखआव सानसहायै दुब्रिबादि
आं दिनै समखौ आद्रि खालामहरनांदों
आं मिथिगौ
द' दान दाउथुआ दुब्रिखौ गावनि बासा खालामो
दुब्रिया जेबो सानसनो हाया जायो
बियो गोरान सोलेरै गोग्लैफिनो सिदोब बारजों
हायाव बियो थरथिंसे निहिर मोनब्लानो जिउ मोनफिनो
दैयाव बुसोमना दोनजायोब्ला दुब्रि गांसोआ
दैसानि रानलांनाय समखौ नेनानै थायो
This poem has not been translated into any other language yet.
I would like to translate this poem
This is very beautifully presented poem shared here is interesting. An amazing sharing is done really.10