आं नोंखौ दा गोसोथोखोमानोल' हासिगौ Poem by Ronjoy Brahma

आं नोंखौ दा गोसोथोखोमानोल' हासिगौ

गोसो जायोब्ला आं नोंखौ मेसेज हरनानै बुंहरनो हायो
आं नोंखौ मोजां मोनो होननानै
बेसेबां मोजांमोनो आरो मानो मोजांमोनो
बेखौबो थारला थुरला बुंनानै लाहरनो हागौ आं
नाथाय आं मानो बुंबावनो बे बाथ्राखौलाइ?
बुंब्लाबो उदायखाथारै बाथ्रा
बुंनाय नंलिया आं
मोजां मोननाय दंखायो नोंहा बेखौ मिथिगौ आं
खोथा होनाय बबेखानि सतबांसा खाखानाय दंखायो नोंहा

गोसो जायोब्ला आं नोंखौ बोनानैबो लायनो हायो
जुलि खालामनो हायो
नाथाय सोरखौबा मानो दुखु होनो आंलाइ?
दुखु दाहाखौ बोखारनो थाखायनो मानसिया सानफ्रोमबो खामानि मावो
रां बुथुमो
मथर सालायो
उरां जाहाज गाखोयो
बिबार बारि लैथो लैथोमा आरो हाजो गाखोयो

सानो सान हर
माब्ला दुखु दाहा जोबस्रांलांगोन
नाथाय दुखुआसो थाङो आरो गोदान फैफिनो

बेखायनो नोंनि आरो बयनिबो गोजोन हास्थायनानै
आं नोंखौ दा गोसोथोखोमानोल' हासिगौ
बे बाथ्राखौ मिथिनानै
आमोखाया आंखौ जोबोद गोसोथोखोमायो
आरो आंनि थाखाय जोबोद फाग्ला बियो होननानै
नोंहा दुगानाय आरो खर' देरनाय थानो हागौ
नाथाय बेयो नोंनि गोसो

जेखियानो जाया
आं नोंखौ दा गोसोथोखोमानोल' हासिगौ
बेखायनो दोंसे खन्थाइ लिरहरो

Sunday, June 14, 2020
Topic(s) of this poem: love
COMMENTS OF THE POEM
Kumarmani Mahakul 14 June 2020

जेखियानो जाया आं नोंखौ दा गोसोथोखोमानोल' हासिगौ बेखायनो दोंसे खन्थाइ लिरहरो...An amazing poem on love topic is very brilliantly penned.

1 0 Reply
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success