Ronjoy Brahma

Gold Star - 38,505 Points (2 November 1995- / Amteka (Chirang) /Assam, India)

लोगो दोंसे खन्थाइ लिरहरबाय - Poem by Ronjoy Brahma

मुगा मुगा बावनो सानब्लाबो बावनो हाखानाय नंला
ओंखाम उखैजानाय साननि उनाव सान
सानाव अखायाव बिखुं आरो मोदोम लामनानै
दाबि खालामनाय उदांस्रि

जों दावबायै दावबायै मेंनानै
दै लोंनो नाजाबाय। दैखौ गाफुंनानै होबाय लांसुनियाफ्रा
मानसिनि आखायावनो गोमाबाय ओंखाम
ओंखामा खारलांबाय जोंनि आखायनिफ्राइ

ओरैनोथ' ओंखामा जोंनि उदैनिफ्राइ खारलांबाय थायो

उदांस्रिनि बिगोमा जानो हायाखै जों
दुखु दाहानि हांमानि मोदैनि बिगोमाल' जानांदों
खाफाल बुंफबनाय जिंगा बिबार जोंनि
राजा महाराजा जोहोलावफोरनि जोलैनि जोलै दासिमबो

बिमानि आबु मोनजाफुङै लोरलिं देहाजों
जोनोम मोननाय
जों मावरियानि फिसा हावरिया
बे मुगायाव जोंखौ फोथायखेबस' गरिया दैदेनगिरिफोरा बोलि होबाय

लोगो दोंसे खन्थाइ लिरहरबाय
दासानदि आददानि मैखुन बेरसावदों जायख्लंसो जेन
हाजिर जानांगौ ना हाजिर जानाङा नों
गावनि सामलायख'हायै गोरबोखौ सामलायनानै लादो

गेजेर गेजेर नों गावनि उदायै सानस्रिखौ
ओलैस्रो फुथुनायानो मोजां
उदायै बाथ्राखौ गावनिनो गोसोनि सिमायाव लाखिनो
खुगायाव मुखारि गाननांगोन रिमोनद्ला सालाइनि थाखाय

नै लोगो नों नुदों ना नुवाखै?
नुदों ना नुवाखै
नुवाखैब्ला नुवाखै बुंनानै ला आं नोंनो खिन्थागोन

बे बुब्लिखौ सामलायग्रा फागरिया बुब्लिखौ सामलाया
आखायाव साबुक लानानै
बियो बुयो बुब्लिखौ सिनायै आजोलाफोरखौ

Topic(s) of this poem: freedom


Comments about लोगो दोंसे खन्थाइ लिरहरबाय by Ronjoy Brahma

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Wednesday, June 13, 2018



[Report Error]