सुथ्रुन आरो बिसोरजों दानदिसे Poem by Ronjoy Brahma

मैदेरनि बिखुंआव गाखोनानै आं दावबाय लांबाय थादोंमोन हाग्रामानिफ्राइ सहर। सहरनिफ्राइ नोगोर- नोगोरमासिम। थाद'नायनि थाखाय फैफिनदोंमोन आंनि देरफुनाय गाज्ला बिफां सायायाव।

आं जेब्ला गोदो उनदुलांदोंमोन गेरेमसा बिफांनि सिङाव उनदुलांनाय मैदेरनि बिखुंआव। आं सिमां नुदोंमोन अख्रांआव सिथाबनाय नाङै जोमैफोरखौ बोख्लायनाय। दावहा नांदोंमोन आं आंनि मैदेरनि बिखुंआव गसंनानै आंनि मेगनाव सौग्रावफैनाय सुथ्रुनफोरजों। उदैयाव सौग्रावफैनाय केमिकेलफोरजों। आं आंनि सुमोन्थाइनिफ्राइ हाथियार दिहुननानै निउट्रन आर निउरेलजियाफोरजों जुजिदोंमोन। आं बिसोरखौ फेजेनबाय। बाह! बाह! बाह….! !