थगायजानाय बिसुखे Poem by Ronjoy Brahma

दैज्लांआवथ' बेनिख्रुइ गाज्रिसिनबाव
लामा गेजेर गेजेर ना मागुरानो फिजालायो
थेवबो बाला-अन्थाइनि फाइखारिफोर
लारि लारि सानफाथोलो
जामफार मथर दाब्रायलांदों
थांलाय फैलाय थांलाय फैलाय

आमटेका रिजार्भनि
बेलसा हुखांगासे हाद्रिनि लामाजों
गोर गोर सोहोरनिफ्राइ खारलांनाय मारुथिया
उल्था फावसयबोफिनदों बेल दामनानै

फाफसो जाबाय नामाब्रा थगायनाया?
थगायाबाबोथ' जाया
लामाया जिबादि हाद्रिनि लामा….!
गस्ला गोदान लंफेन गोदान गानबामालाय…..!
जोंखौ आलासि होननानैनो सानथारनाय नङा

खुलुमबाय सुखे!
आं नोंनो अमा फेनदा फारसेनि बेसेन
नोगोद बा रोजा रां हरफिनगोन
नाथाय दिनै आलासि जाहैनाय जानाय नंलिया
मथरा गाज्रि जादों!
गाज्रि दामोनसै सुखे!