ଚିହ୍ନା ଚିହ୍ନା ଆଖିପତା ତଳେ -12 (Chinha Chinha Akhi Pata Tale - 12/ Odia Poem) Poem by Subhas Chandra Chakra

ବେଳେ ବେଳେ

ତମେ ମୋର ବେଶୀ ମନେ ପଡ ।


ମିଞ୍ଜି ମିଞ୍ଜି ଡିବିରି ଆଲୁଏ,

ଥର ଥର କାଲୁଆ ପବନେ,

ଶୀତ ରାତି ପାହାନ୍ତି ସପନେ-

ଅବସନ୍ନ ଭିତର ଟା

ଆଶଙ୍କିତ, ସଂକୁଚିତ

ହେଉଥିବା ବେଳେ -

ଭିତରେ ଭିତରେ ।।


କୁଳୁକୁଳୁ ଝରଣା ର-

ସୁଲୁ ସୁଲୁ ପବନ ର -

ଝର ଝର ଶ୍ରାବଣ ର -

ଗୀତ ଚିଏ-

ସୁଅ ହୋଇ, ସୁର ତୋଳି

ବର୍ଷିଗଲା ବେଳେ

ତମ କଥା

ନିଦ ପରି, ସ୍ୱପ୍ନ ପରି,

ମଲ୍ଲୀ କଢ ଭିଜା ବାସ୍ନା ପରି

ବହି ଆସେ କେଉଁ ଦୁନିଆ ରୁ

ଏ ବେଳା ରେ

ଖାଲି ଥାଏ ଗୋଟିଏ ମୂରତି-


ତମ ଆଖି ପତା ତଳେ

ଲୁଚିବା କୁ ଚାହୁଁ ଥିବା

ମୋ ଛାତି ତଳ ର

ଅଧା ସ୍ୱପ୍ନ, ଅଧା ଅଧା ଗୀତି-

ଏ ବେଳା ରେ

ଆଉ କିଛି ମନେ ବି ନଥାଏ-

ଖାଲି ଥାଏ ତୁମ କଥା-

ତୁମ କଥା ବେଶ ମନେ ପଡେ ।।