Ronjoy Brahma

Gold Star - 35,046 Points (2 November 1995- / Amteka (Chirang) /Assam, India)

गोरबो इसिँनिफ्राइ- 138 - Poem by Ronjoy Brahma

मेगनखौ बिलिरनानै नैबेयाव
सिखारबाय आं सिखारबाय
फैदो फैदो नोङो लोगो
आंनि हाबायाव मेगन होनानै
-
बे खेबाव नोँखौ खुलुमदोँ
गुसु सुदेम मान होनानै
नै लोगो सुहाबो बारा बारा
गोजांनायाव गोरबोआ ज'हाबो
फैदो फैदो नोङो आंनि
-
बिबार बारदोँ मेगनाव
मिथिँगानि बिफां-लाइफां
सनाथि माय दुब्लिया जोँख्लाबो
जिरि जिरि निहोर गस'रो
नै सना खुदुम नोङो खुदुम
-
दिनै थाबायनाय लामायाव
नोँनो फैदो आंजोँ लोगोआव
फैदो नोङो फैदो खारनायाव
जेरैबो सोरां आन्दायनाय खोमानानै
-
सानसु बेलारोम समाव गोजोनै
खेबसे बार जाना फैयोब्ला
नोँखौ आं गोबागोन
नोङो बिलिर फैयोब्ला
-
नै सना फैदो नोङो दिनै
मेगनखौ बिलिरनानै
खोमसिनि जालामा गासैबो थाथेनानै
नै फैदो सोरां फैदो सना
लामायाव आंजोँ लोगो जानानै।
-
02/11/2015
गामियाव

Topic(s) of this poem: prayer


Comments about गोरबो इसिँनिफ्राइ- 138 by Ronjoy Brahma

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Sunday, November 1, 2015

Poem Edited: Monday, November 16, 2015


[Report Error]