नै गसाइ रावबो गैयै बे हराव
फैदो आंजोँ लोगो जानानै
आंनि एम सेरावनो जिरायनानै
नोँजोँ रायज्लायनो आंदि लुबैयो
-
उन्दुहाबनाय हरनि खोमसियाव
रोजाबनाय मुसुरनाय जेबो गैलिया
नै फैदो फैदो बे समाव
नोँजोँ रायज्लायनो आंदि लुबैयो
-
मेगनखौ मेसेबनो हालिया आंदि
नोँखौ नेयै नेयै खुसियैनो
फैदोदि नोङो उन्दुदो होन्नानै
नै गसाइ सिरि निजोम बे हराव
-
सानसे लोगो मोनबाय दिनै
नोँजोँ आंदि लोगो जाबाय
नै सुखे नोँ उन्दुलांबाय?
-
खेबसे बिलिरनानै मेगनखौ
नोङो होदो मेसेबनाय आंनो
सना गुरै अनसुलि जानानै
नै लोगो नोँनो आंदि बुङो
नोङो दिनै आंजोँनो उन्दुदो
-
साननि मेँनाय मेंगानाय होना
हरनि बे गोजोन्नायखौ होदो
रजे नोङो दिनै आंजोँनो उन्दुदो।
-
07/11/2015
बंङाइगामियाव
This poem has not been translated into any other language yet.
I would like to translate this poem