Ronjoy Brahma

Gold Star - 35,633 Points (2 November 1995- / Amteka (Chirang) /Assam, India)

गोरबो इसिँनिफ्राइ- 150 - Poem by Ronjoy Brahma

लोगो नोङो आंखौ फोरोँदो
आंनि जिउखौ दैदेननो
दंनाय नुनायमानि गासैखौबो
आंनि सेराव मोजांखौ सिनायनो
-
जैरैबा आं मोजां सानो
जैरैबा आं मोजाङै रायज्लायो
जैरैबा आं मोजाङै मावफुङो
लोगो नोङो आंखौ फोरोँदो
-
मुलुगनि समायनाखौ नायनो
मिथिँगानि गासैखौबो अननो
आंनि गासैबो हाबायाव रंजानायखौ
जैरैबा आङो मुलुगनो होनो हायो
-
लोगो नोङो आंखौ फोरोँदो
जैरैबा आं गासैखौबो नुयो
जैरैबा आं गोथौङै मोन्दाङो
जैरैबा आं सैथोयै फोरमायो
-
लोगो नोङो आंखौ फोरोँदो
आंदि अख्रा थगायसुला
खोमसिखौ होखारनानै सोरां होदो
जाम्बाखौ होखारनानै गियानखौ होदो
-
बयखौबो सिनायनानै जेब्लाबो
जैरैबा आं थांनानै थायो
दंनायमानि मोजां मोन्नानै मोजांखौ
जैरैबा आं गोजोनै थायो
-
लोगो नोङो आंखौ फोरोँदो
जैरैबा सोरांआनो जाथोँ जिउ
जैरैबा सोलेरानो जायो दैमा
जैरैबा गोसोआ जायो दैसा।
-
20/11/2015
गामियाव

Topic(s) of this poem: prayer


Comments about गोरबो इसिँनिफ्राइ- 150 by Ronjoy Brahma

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Friday, November 20, 2015



[Report Error]