दिनै बिरै बिरै थाङो
बिरलाङो गोसोआ आय'
नोँनि सेराव नोँनि खाथियावनो
दिनै नोँखौ नुयो मिनिनायाव
-
दैमायाव दैसायाव गोजोमनानै
दिनै रंजायै रंजायै गेलेयो
जोमैयाव अख्रांआव गेलेयो
दैमायाव दैसायाव गोजोमनानै
-
मिथिँगायाव आय' मिथिँगानि
बिफांआव-बिलाइआव
बिबार बारो मिनियो
खोलो खोलो बार मिथिँगानि
-
रंजानायनि गोजोनाव सोलेराव
बिलिर बिलिर गोजोन हुब्लिरो मादि
आय' दैमायाव दैसायाव गोजोमनानै
दिनै रंजायै रंजायै गेलेयो
-
अखा हायो सान मिनिसुलु
खोलो खोलो बारबो बारो
दिनै बिरै बिरै थाङो
बिरलाङो गोसोआ आय'
-
हां बोयो बोयो आङो
दिनै रंजायो गसाइ रंजायो
नोँनि सेराव नोँनि खाथियावनो
दिनै बिरै बिरै बिरलाङो।
-
28/11/2015
बाङाइगामि
This poem has not been translated into any other language yet.
I would like to translate this poem