गोरबो इसिँनिफ्राइ- 172 Poem by Ronjoy Brahma

रजे अन्नाय बेनो अन्नाय
फैबाय नोङो बर'प जानानै
जिउ फैबाय नोङो अखा जानानै
थाजिम खालामना हाद्रिनि बुहुमाव
-
फैबाय बार जानानै दिनै
खुवा सारिगिदिँ जानानै सुदेमै
फैबाय सुहाब बिलिरनानै
रजे अन्नाय बेनो अन्नाय
-
गसाइ नोङो खुलुमनायखौ आजाव
जिउ मिथिगिरि जिबिनि नोँलाइ
आंनि मेथाइखौ खोनासंनानै
होदो होदो आंनि खाफालाव आखाय
-
हार्सिँङै दावबायनायाव थाङा फेलेँआ
आय' गसाइ थाबथाया जेरै गोसोआ
लोगो फैदो लेँहरनानै दिनै
फैदो लामायाव सोरां आगानाव
-
रजे हाद्रिखौ बुरखाय हाद्रिखौ
बिरखांनो हाया जेरै दुगानायाव
आंनि गोरबो एब्रेनानै दिनै
रजे जिउ नोङो आंजोँनो थादो
-
फै दिनै आंनि मेथाइयाव
खामखौ दामदो गसाइ सिफुंखौ सुदो
जेरै थाङा फेलेँआ आंनि
गसाइ मिजिँखौ आंनि सामलायदो।
-
09/01/2016
गामियाव