गोरबो इसिँनिफ्राइ- 182 Poem by Ronjoy Brahma

हे नेवसि जायै सोरां
आंगोनि आंगो आंनि रजे
आंनि गोसोखौ हमथाना लादो नोङो
खोमसियाव थानानै आंनि
-
जेरै आं सिनायनो हायो
मा दं मैया मैया सिगांआव
नायनानै लानो नोँनि सोरांजोँ
थादो लोगो नोँ जिउ जिउनि
-
बेसे गोजोन गोनां खुसियाव
जायफोर सारि सारि फैयो
सोलो गोनां नोँनो रजे
नोँनि सोरांजोँ नायना लानि आङो
-
नोँनि मोदान्नाय खुसिजोँ
लामा गेङो सुदेम मुलुगनि
हे रजे बेजोंनो आं थाबाय लांनि
होदो नोँ आथिँ फोलावनो बोसोनखौ
-
नोँ सोरां जानानै थाफै
मोजां मोनहाबनाय जिउआव
राना गोजोँ दैसाया जिरि जिरि
गोजोन जायो जेरै थांना थानाय
-
नोँनि मेथाइखौ लामा नायना थायो
गोरोन्थि गैयै खोमाजोँ
रोजाबदो मेथाइ नोँनि बोसोनजोँ
बार जाना बयखौबो बिलिरदो
-
खोमसियाव जेरै आं उन्दुयो
नोँनि गुरै देँखोनि एमाव
नै नेवसि जायै सोरां
मादि गनायथाव बे मिनिनाय
-
बोजबदो रजे नोङो आंखौ
गोबाना लागोन जिउ जिउआव
बे सोरांखौ थांना थांनायसिम
गनायबाय रजे गनायबाय आङो।
-
19/02/2016
गामियाव