Artista sa oras ng pagsubok
Ang kaanib sa Iglesia Ni Cristo;
Kahit lugmok sa kahirapan,
Nakataas pa rin ang noo.
Hindi mo mahahalata
Na siya pala ay may lungkot;
Dahil nakangiti pa rin,
Hindi nakangiwi, ni nakakunot.
Ang kaniyang mga mata
Ay puno ng kasiglahan;
Ang hinagpis sa buhay
Ay di mo mararamdaman.
Hindi natatakot sa kalamidad,
Kahit nanginginig ang kamay;
Dahil may Diyos ang Iglesia
Na laging handang umalalay.
Ang isang Iglesia Ni Cristo
Ay masaya kahit may himutok;
Hindi madadaig ng hapis,
Artista sa oras ng pagsubok.
This poem has not been translated into any other language yet.
I would like to translate this poem