Ik roop naino se man mein uttra
Mano dooor kshitij par ik madham sa bindu ubhara
Dhire dhire meri aur badha
Bindu bana ik chand
Roop ne karvat li
Hua chand se pyar
Tab hua milan
Ik madhur milan
Ik sukhad milan
Mano do aatmain samaa gai hoon jismain
Tab samay ki dhara baha ley gai
Milan ke is sukh ko
Usi kshitij ki aur
Chand phir ik bindu bana
Sukhad milan ki dard bhari yaad
jaise dooor kshitij par ik madham sa bindu
Chand ik bindu
Bindu ik roop
Bindu ik yaad
Bindu ik dard
Bindu ik aas
Jeevan ki aas
Asha hi jeevan
Bindu kitna chota sa par kitna mahaan.
[1972]
This poem has not been translated into any other language yet.
I would like to translate this poem
marvelous.. powerful expression-lyrical and as if the words hold the mystery of life