Ghunt Lahoo Kaa Peenaa Kyon? Poem by Aftab Alam

Ghunt lahoo kaa peenaa kyon?
Ghut- ghut kar aise jeenaa kyon?
Tod do saaree deewaaren
Phool se labon ko seenaa kyon?
Ghunt lahoo kaa peenaa kyon?
Ghut- ghut kar aise jeenaa kyon?


Nafrat kee aanch jlaayee kyon?
Dar ko ghar baithaayaa kyon?
Dilon ko apne saaf karo,
Dilon ko aise bhalaa todaa kyon?
Ghunt lahoo kaa peenaa kyon?
Ghut- ghut kar aise jeenaa kyon?

Maanavtaa kis raah gayee?
Kab subah huyee kab subah gayee?
Bas apnee kahaani kahte raho,
Auron kee kahaani bhalaa sunnaa kyon
Ghunt lahoo kaa peenaa kyon?
Ghut- ghut kar aise jeenaa kyon?