Pul Sirat (Urdu) Poem by Jazib Kamalvi

Chalo phir alvida k pul sirat se guzar chalen.
Wafa ki roshni liay bhanwar k par utar chalen.

Bahut kathan he ye safar zara sa mere sath chal.
Tire qadam ki aahaton men kat ye safar chalen.

Saba se ek doosre ka hal poochhte rahen.
Udhar se jo idhar chale idhar se jo udhar chalen.

Ye selfyon ki bedyan azab ka payam hen.
Raya k is azab se qadam chhuda k ghar chalen.

Dil o dimagh men rahen rafaqten khili hui.
Muallimeen kemron ko chod kar agar chalen.

Tumhen ho Jazib e nazar tumhen ho sahib e nazar.
Khuda k waste chalen sanbhal kar nazar chalen.

Chalo phir alvida k pul sirat se guzar chalen.
Wafa ki roshni liay bhanwar k par utar chalen.