अखाफोरखौ आं मोजां मोनो Poem by Ronjoy Brahma

अखाफोरनि महर मुस्रिखौ नुनायनि उनाव
नोंसोर बायदिसिना बुंदों आरो मिनिदों
अखाफोरनि फारसे सिबिनाय गैयै खालामदों
नाथाय हाजारबाबो अखाफोराबो समायना

नोंसोरनो मिथिगौ
लंथङै गसंना थानाय गथ'खौ समायना नुआ
समायना नुयो फेन गस्ला गोदान गाननानै थानाय
देलाइ-मालाय गथ'साखौ
समायना नुवा बिलाइ गैयै बिफांखौ

गहेना गानाबा आइजोफोराबोथ' एसेबां समायना नुजाया

नोंसोर अखाफोरनि लंथं महरखौ नुदों
बेखायनो नोंसोर समायना नुवाखै
नाथाय अखाफोरा जेबोला गहेना गाननानै
देलाइ-मालाय हरनि समाव नुजाफैयो
सोर फाग्लायाथो बुंनो हागोन अखाफोरा समायना नङा होननानै

अखाफोर नायदावनानै देरबोनाय गथ'
मुं दासु नोङो अखाफोरखौ
अखाफोरनि मुं लानानैनो गाराङ (अ) सोलोंजेननाय
बायगर दाजाथार नोङो दिनै
अखाफोरखौ आं मोजां मोनो
बेखायनो सहायनो हाया आं नोंसोरनि मुं सुनायखौ