नोंनि अननाय हेफाजाब होनाय बुजिनो मोनो आंबो Poem by Ronjoy Brahma

बेबादि समाव अखाफोर गावदां नुयोब्ला
थाबोनाय गोजाननि गोदोनि समफोरखौ गोसोखाङो
सिथ्ला गेजेराव माब्लाबा फोथाराव रायज्लायनाय गासै बाथ्रा
जेसेबांनो गोसोखाङो गोदोनिफारसे थांफिननो लुबैयो
मा एसे सनाथारमोन होनबा गोदोनि समा

फारि फारि आबै आबौमोनहा थैलांजोबबाय
अखाफोर गावदांनि बाथ्रा रायज्लायनानैनो
आयंआ दाबसेयाव आदैआ दाबसे हादान सिफायबाय
आदा बाजैमोनहा जुदा जालांबाय
आइ आफाजों आब'मोनहा बिलाइ हरजाबाय
आनावमोनहा हेंथा-हेंसि गासैखौबो नेवसिनानै गावसोर फसायनाय सेंग्रानियाव खारसनहैबाय

आबै आबौमोनहा सान हर जिग' जिग' फोरोंलांनाय हुदा
जोंनि हारा मोदोम दाबो सिथाबफ्लेनानैनो दंथारो
बिलिफां हरनि अखाफोर गावदां
नोंखौ दिनैसिमबो खुलुमनो नागाराखै आंबो

गिलुबालु हरनि समाव नोंनि अननाय आरो हेफाजाब होनाय बुजिनो मोनो
नोंखौ मोजां मोनो आंबो गुबुनफोरबादिनो
नोंनि खाथियाव थांनो लुबैयो
नाथाय नेइल आर्मस्ट्रंआ आरो इदुइन इउजिन एल्द्रिइनमोनहा सासेनि उनाव सासे सहैबाय
आंहा थालांबाय गोजाननिफ्राय नायगोमोनानैनो