जोनोमनिफ्राइनो नोंनि बेसेबांबा हेफाजाब होनाय Poem by Ronjoy Brahma

जोनोमनिफ्राइनो नोंनि बेसेबांबा हेफाजाब होनाय
दिनैबो आं बोजबो अनसायो लोगो
नोंनोथ' सासेल' नोंनो सासेल' जेब्लाबो हेफाजाब होनो हाग्रा
जाय आंनो होदों नैबे जिउखौ
जिउनि बेसेबांबा खुसि आरो गाबनायखौबो

होदों नोङो नैबे मोनसे गोसोखौ हमदांनो
नायनो थाखाय गोजों नैबे थाइनै मेगनखौ
नोंनोथ' होदों गोरबोखौ बुजिनो
नोंनोथ' होदों गोबां गोहो गुण आरो गियान

नोंनि बोर सास्रिनायजों नाजागोन मुलुगखौ नायनो
अननाय आरो मोजां मोननायजों
हास्थायो लोगो नोंनि बुहुमाव
आगान दोनलांनो अराय मानसि जोनोमाव

मिथिबाय गाब गोनां बे माया संसारा लोगो
सुबुंनि सोमोनांथाव सायना सालियाव
नों गासैनोबो रंजानाय आरो गाबनायखौ होबाय

नों जोंनो सोरांखौ बेबादिनो हरबाव
नोंनि सोरांआवसो जों थाबायो गोजान लामा
खोमसियाव जों गिनाय मोनो आन्दायना हाफा-मुवा जानाङो

दिनै दैदेन लांनांगोन लोगो सोरांनि लामाजों
जिरायनो होनांगोन सायख्लुमाव मेंबोला
नोंनि गोहो आरो अननायजों
बेमा सोंथेनाय अरन गेजेरनि गिथाव लामायाव
थारैनो नांथानानै थाया थारैनो
जेन' जों थाबथानानै थाया हाब्रु गेजेराव
नोंनि गोसोखौनो हायो होदो जैरैबादि सौहैनो हायो गोजोन मिजिंआव

थांगोन नोंनि रायजोआव मिनि रंजा आलो गोजोनै
दिनैनि दुखु-दाहा नेवसिनानै दंनायमानि
20/10/2010